Тэнэглэл

Тэнэг харагдуулдаг сул талаасаа болж хүмүүс асар их үнэ цэнийг алдаж, алдар нэрээ гутаадаг. Гэхдээ хүмүүсийн дунд байдаг хамгийн буруу ойлголт нь тэнэгээ нуух юм. Сул талуудаа нуухын оронд засахыг хичээх нь чухал гэдгийг хүн бүр ухаж ойлгодоггүй. Муу нуухаар сайн илчил гэсэн үг байдаг шүү дээ. Нуух тусам та дутагдалаа томруулж, далдлах тусам та тэнэглэлдээ гүн шигддэг юм. Тэнэгээ нууна гэдэг бол нэг ёсондоо түүнийг нууцаар хадгалж байгаа хэрэг шүү дээ. Яг энэ тухай миний уншдаг нэг номонд “Үхсэн ялаа тансаг үнэрт тосыг өмхийрүүлдгийн адил өчүүхэн тэнэглэл л мэргэн ухаан, алдар хүндийг давамгайлдаг” гэж бичсэн байдаг юм.