Сайхан сэтгэлийн хүчээр амьдрах нь

Хүмүүс бидний телевизээр үзэх дуртай зүйл бол яах аргагүй байгалын хүчин зүйлүүдийг бодитоор харуулсан баримтат кино, мэдээ байдаг. Байгалийн тааж тааварлашгүй өндөр эрсдлийн өмнө Бурханы гайхамшигт бүтээл болсон хүний хүч чадал, оюун ухаан ч мөхөсддөг. Байгалийн шалгарал нь дасан зохицох чадвараар сул бодгаль биеийг шахан зайлуулахын зэрэгцээ, бас үл мэдэгдэм өөрчлөлтүүдийг хуримтлуулан нэгтгэснээр нарийн нийлмэл, төгс боловсронгуй дасан зохилдолгоог амьд бие махбодод үүсгэн бүрдүүлдэг. Адгуус араатаны ертөнцийг аваад үзье л дээ. Хүчтэй нь хүчгүйгээ дийлж, аль түрэмгий нь л амьд үлдэнэ. Харамсалтай нь энэ зарчим хүн төрөлхтөнд хүртэл үйлчилдэг гээд бодохоор аймшигтай юм.